Александр Лапшин Ленин паркының ничек үзгәрүен күрсәтте

2023 елның 12 сентябре, сишәмбе

Бүген биредә планлы эшләр төгәлләнеп килә

Әгерҗе районы Иҗтимагый советы рәисе Александр Лапшин яраткан Ленин паркының ничек үзгәрүен күрсәтте. Кадрларны район хакимиятенең матбугат хезмәте бүлешә.

Исегезгә төшерәбез, 2022 елда шәһәр халкы элеккеге Ленин клубы территориясен төзекләндерү өчен тавыш бирде. Бүген биредә планлы эшләр тәмамлана, туялар утыртыла, шәһәр һәм район тормышының тарихи даталары булган арт-объект билгеләнә.

"Ышанам ки, бу урын Әгерҗе районы халкы һәм кунаклары өчен тагын бер тарту үзәге булачак", - диелә районның рәсми ТГ-каналында бастырылган постта.