Әгерҗедә бер катлы йортта янгын вакытында ике кеше һәлак булган.

2023 елның 14 сентябре, пәнҗешәмбе

Белгечләр янгын сәбәпләрен ачыклый

Әгерҗедә янгында ике кеше һәлак булган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтенә сылтама белән "Татар-информ" хәбәр итә.

Бүген иртән бер катлы агач йортта янгын турында хәбәр алынды. Йорт җиде фатирга исәпләнгән, шуларның икесендә генә яшәгәннәр.

Урынга килгән ПСЧ-101 коткару бүлеге хезмәткәрләре ике һәлак булучының гәүдәсен тапкан.

Янгын мәйданы 1 квадрат метр тәшкил иткән. Белгечләр янгын сәбәпләрен ачыклый.

Фото: МЧС