Әгерҗе шәһәрендә план өйрәнүләре штат режимында узды
Россиядә массакүләм күнегүләр уза
Бу көннәрдә төбәкләрдә гражданнар оборонасы буенча Бөтенроссия штаб күнегүләре уздырыла. Бу хакта район башлыгы матбугат хезмәте хәбәр итә.
Теләсә нинди катлаулылыктагы гадәттән тыш хәлләргә оператив җавап бирергә әзер булуын күрсәтү өчен, массакүләм күнегүләр үткәрелә.
"Әгерҗе районында бүген чаралар кысаларында Кучуково авылында 4 нче номерлы эвакуация пункты оештырылды, Әгерҗе станциясендә команда-штаб өйрәнүләре узды, "Һава тревогасы" сигналына әзерлек буенча ПСЧ-101 шәхси составы һәм башка уку чаралары тикшерелде", - дип хәбәр итә Россия Гадәттән тыш хәлләр министрлыгының Татарстан Республикасы буенча Баш идарәсе Федераль янгын сүндерү-коткару отрядының ПСЧ-101 бүлеге башлыгы урынбасары, эчке хезмәт капитаны Евгений Шутников.
Җитәкче сүзләренчә, чаралар сценарийлары авария-коткару һәм башка кичектергесез эшләр уздыруны, гадәттән тыш хәлләр зоналарыннан халыкны эвакуацияләүне, шулай ук шәхси состав һәм техника карауны үз эченә ала. Шул ук вакытта хәлне дөрес бәяләүгә һәм идарә органнары карарларын кабул итүгә аерым игътибар бирелә.
Исегезгә төшерәбез, Бөтенроссия штаб тренировкасы илнең барлык төбәкләрендә 2030 елга кадәр чорда Россия Федерациясе гражданнар оборонасы өлкәсендә дәүләт сәясәте нигезләрен гамәлгә ашыру чаралары планы, Россия Гадәттән тыш хәлләр министрлыгының оештыру күрсәтмәләре нигезендә планлы режимда уздырыла.