Әгерҗе территориясендә территорияләрне тәртипкә китерү буенча эшләр дәвам итә
Район җитәкчелеге бу эшләрне ике атна дәвамында тәмамлау бурычын куйды.
Җылылык белән тәэмин итү һәм кайнар су белән тәэмин итү челтәрләрен реконструкцияләү тәмамлангач, Әгерҗедә территорияләрне тәртипкә китерү буенча эшләр башланды.
- Узган атнада җомга көнне төрле оешма һәм предприятиеләрнең 200ләп хезмәткәре катнашында гомумшәһәр өмәсе узды. Коллектив эшкә өлеш керткән һәркемгә зур рәхмәт, - диде район башлыгы Ленар Нургаянов эшлекле сишәмбедә.
- Күпфатирлы йортлар территориясе өчен җаваплы “Хәлим” хуҗалыгы хезмәткәрләре алдында көн саен ишегалларын, юлларны, сайлыкларны тәртипкә китерү бурычы тора. Узган атнада ишегалды территорияләрен төзекләндерүгә Гоголь урамы, 3, 5 адресы буенча дистәдән артык коллектив катнашты. Уртак тырышлык белән зур эш башкарылды, - дип ассызыклады үз чыгышында шәһәр башкарма комитеты җитәкчесе вазифаларын башкаручы Лилия Шәрипова. - Гадәттән тыш хәлләр министрлыгы хезмәте ишегалдын юу өчен янгын сүндерү машинасы бирде.
Территорияләрне төзекләндерү буенча шимбә өмәләре дәвам итә. Район җитәкчелеге бу эшләрне ике атна дәвамында тәмамлау бурычын куйды.