Әгерҗедә 200 кеше күпфатирлы йортның ишегалдын чистартырга чыкты

2023 елның 6 октябре, җомга

Чираттагы өмә бүген узачак

Җылылык белән тәэмин итү челтәрләрен реконструкцияләгәннән соң, Әгерҗедә ишегалды территорияләрен чистарту өмәләре дәвам итә. Бу хакта район башлыгы матбугат хезмәте хәбәр итә.

Чираттагы өмә бүген Октябрь, 5 адресы буенча депо ягыннан 13:00 сәгатьтә булачак.

Билгеләп үтелгәнчә, узган атнада безнең белән эшкә 200дән артык кеше чыкты.

"Без бергә көч! Катнашкан барлык учреждениеләргә зур рәхмәт! Йортларда яшәүчеләрне дә гомуми эшкә кушылырга чакырабыз!" - диелә хәбәрдә.