Әгерҗе районында рейд чаралары узачак
Төзекләндерү кагыйдәләрен бозучыларны чүп контейнерлары янында Веткалар, еллар буе шәхси йортлар каршында яткан төзелеш материаллары, яшел газоннардагы машиналар ачыклаячак - мондый күренешләрне безнең шәһәрдә еш күзәтергә мөмкин. Шушы көннәрдә район хакимиятендә административ комиссия эшчәнлеге буенча киңәшмә узды. Киңәшмә актив гражданнар: шәһәр советы депутатлары, Иҗтимагый совет әгъзалары, оешмалар җитәкчеләре, җирле үзидарә вәкилләре катнашында узды.
Район башлыгы Ленар Нургаянов, бүгенге хәлне анализлап, якындагы 3-5 ел эчендә шәһәрдә әлеге сүзнең туры мәгънәсендә тәртип урнаштыру бурычын куйды. Ягъни гражданнар тарафыннан шәһәрне төзекләндерү кагыйдәләрен үтәүне җитди контрольгә алырга. Бу эштә иң зур йөкләнеш административ комиссия әгъзаларына ятарга тиеш.
- Хәзер административ комиссиянең яңа составы формалаша. Октябрь аенда расланганнан соң шәһәр буенча рейд чаралары башлана, - дип хәбәр итә шәһәр башкарма комитеты җитәкчесе вазифаларын башкаручы Лилия Шәрипова.