Әгерҗе районы Казанда якташлар өчен зур концерт оештыра
Республика башкаласында «Төньяк йолдыз Татарстан - минем Әгерҗе» чарасы узачак
Әгерҗе районы Казанда якташлар өчен зур концерт оештыра. "Төньяк йолдыз Татарстан - минем Әгерҗе" исеме астындагы чара Халыклар дуслыгы йортында узачак.
23 октябрьдә “Татарстанның мәдәни башкаласы” республика конкурсы кысаларында Әгерҗе муниципаль районы территориясендә яшәүче халыкларның мәдәни мирасының бөтен матурлыгын һәм колоритын чагылдыручы бай мәдәни программа тәкъдим ителәчәк, дип хәбәр итә район матбугат хезмәте.
14.00 сәгатьтә күргәзмәне, мастер-классларны, милли кухняны, интерактив мәйданчыкларны ачачаклар, анда күпмилләтле традицияләр һәм йолалар тәкъдим ителәчәк. 15.00 сәгатьтә сәхнәдә үзешчән сәнгать коллективлары катнашында концерт программасы тәкъдим ителәчәк.
Кунакларны Казан шәһәре, Павлюхин урамы, 57 йорт адресы буенча көтәләр. Керү ирекле дип билгеләнә.
Бүген ТНВ телеканалында 8.00 сәгатьтә турыдан-туры эфирда рус телендә "Здравствуйте" тапшыруы чыкты, ә 10.30 сәгатьтә "Манзара" телетапшыруы кысаларында татар телендә район башкарма комитеты җитәкчесе урынбасары Гөлнара Җәметова һәм үзәкләштерелгән китапханә системасы директоры Чулпан Нурмөхәммәтова катнашында "Төньяк йолдыз Татарстан - минем Әгерҗе" зур концерты турында.
Шулай ук концертлар программасын үзешчән сәнгать коллективлары катнашында оештыру турында интервью бүген 13:30 сәгатьтә ВКонтактеда "Таткультресурсцентр" платформасында планлаштырылган.