Әгерҗедә юл-транспорт травматизмын профилактикалау турында сүз барды
Агымдагы елның 9 ае эшенә йомгаклар ясалды
Балигъ булмаганнар эшләре һәм аларның хокукларын яклау комиссиясенең киңәйтелгән утырышы булды.
Очрашу социаль үсеш буенча башкарма комитет җитәкчесе урынбасары Гөлнара Җәметова һәм район прокуроры Александр Непомнящий рәислегендә узды.
Утырышта шулай ук тәрбия һәм белем бирү эшләре буенча җитәкчеләр, балигъ булмаганнар эшләре һәм аларның хокукларын яклау комиссиясе әгъзалары катнашты.
Нотыклар белән чыгыш ясаучылар агымдагы елның 9 аендагы эшкә йомгак ясадылар, балигъ булмаганнарның җинаятьчелеге һәм хокук бозулары торышы, суицидаль һәм аутоагрессив үз-үзләрен тотышын профилактикалау, юл-транспорт травматизмын профилактикалау һәм "Ласка" социаль приютының социаль-куркыныч хәлдә калган балигъ булмаганнарны тернәкләндерү планын гамәлгә ашыру буенча үзара эшчәнлеге турында фикер алыштылар.