Чаллыда Әгерҗе районының элеккеге башлыгы Валерий Макаровны соңгы юлга озаттылар
Валерий Макаровны Түбән Кама районында җирлиячәкләр
Чаллыда бүген Татарстанның Әгерҗе районы башлыгы, автоград эшмәкәре Валерий Макаров белән хушлаштык. Гражданлык панихиды "Энергетик" мәдәният йортында узды, дип хәбәр итә chelny-biz.ru.
Чәчәкләр салырга һәм Макаров турында яхшы сүзләр әйтергә шәһәр мэры Наил Мәһдиев, ТР Муниципаль берәмлекләре Советы рәисе Әгъзам Гобәйдуллин, ТР сәнәгать һәм сәүдә министры Олег Коробченко, Татарстан Дәүләт Советы депутатлары Александр Тыгин, Азат Хамаев, Татарстан районнары башлыклары, шәһәр советы депутатлары, эшмәкәрләр, дуслар килде.
Әгерҗе районының хәзерге башлыгы Ленар Нургаянов билгеләп үткәнчә, бүген соңгы юлга Валерий Макаровны озатырга Чаллыга шулай ук район авыл җирлекләре башлыклары, мәктәп укытучылары килгән. Барысы да туганнарының һәм якыннарының кайгысын уртаклашуларын белдерделәр.
РК "Колизей" ның элеккеге хуҗасы һәм "Берлога" базары озак вакытлы авырудан соң вафат булды. Аңа 58 яшь иде. Валерий Макаровны Түбән Кама районында күмәчәкләр.