Татарстанда 2023 елда дәүләт челтәре пунктларына инвентаризация уздырдылар
Агымдагы елда ГГС ның 350дән артык пункты тикшерелде.
Татарстан Росреестрында сөйләүләренчә, ГГС ның күпчелек пунктлары узган гасырның 80 нче елларында салынган. Нигездә алар җирдә, биналар һәм корылмалар стеналарында урнашкан, әмма 50 геодезик пункт, Куйбышев сусаклагычын керткәннән соң, су басу зонасында калган. Бүгенге көндә мондый пунктларның күпчелек өлеше Минзәлә, Актаныш, Түбән Кама һәм Тукай районнарында, шулай ук Чаллы шәһәрендә урнашкан. Аларны табу өчен моторлы көймәләрдә чыгалар һәм махсус иярчен геодезик җиһазлар (SinoGNSS T300 Plus) кулланалар.
Гомумән алганда, 2020 нче елдан башлап, Татарстанның Росреестр белгечләре 3,2 мең пункттан 3 мең пунктка якын визуаль тикшерү үткәргән. Моннан тыш, Бердәм дәүләт күчемсез милек реестрына йөз процент ГГС ның барлык пунктларын саклау зоналары кертелде.
"Дәүләт геодезия челтәре пунктларын тикшерү, аларны саклау һәм яклау безнең ведомство эшчәнлегендә мөһим юнәлеш һәм фәнни ихтыяҗ булып тора. Моннан тыш, ГГС пунктлары кадастр инженерлары эшчәнлегенә турыдан-туры йогынты ясый, чөнки бу пунктларның координаталары геодезик үлчәмнәрне үтәү һәм техник документация әзерләү өчен кирәк. Әгәр пунктлар зарарланган булса, бу очракта ялгышлыклар үлчәүләрдә туплана. Бу, үз чиратында, реестр хаталары саны артуга һәм, димәк, суд бәхәсләре артуга китерергә мөмкин ", - дип билгеләп үтте Татарстан Росреестры җитәкчесе Азат Җаббаров.
Белешмәгә
Россия Федерациясе территориясендә, шул исәптән Татарстан Республикасында төзелгән геодезия челтәре «Пространство мәгълүматларының милли системасын» гамәлгә ашыру кысаларында координаталарның һәм биеклекләрнең бердәм системасын тигез һәм кирәкле төгәллек белән бөтен территориягә таратырга, шулай ук бик күп инженер-техник бурычларны хәл итәргә мөмкинлек бирә.