Әгерҗе районында “Йөзү буенча Всевобуч” проектына старт бирелде
Йөзү дәресләре 36 сәгатькә исәпләнгән
Район башлыгы Ленар Нургаянов тәкъдиме белән “Олимп” спорт комплексында “Йөзү буенча Всевобуч” йөзүгә өйрәтү буенча яңа проект старт алды. Проект кысаларында шәһәр мәктәпләренең 2 сыйныф укучыларын йөзәргә өйрәтәчәкләр.
- Бу проект, беренче чиратта, балаларны савыктыруга, икенчедән, суда бәхетсезлек очракларын профилактикалауга юнәлтелгән, - диде район башлыгы Ленар Нургаянов, район мәктәпләрендә укучыларны, аларның укытучыларын, ата-аналарын сәламләп.
Йөзү дәресләре 36 сәгатькә исәпләнгән. Аларга шәһәр мәктәпләренең 2 нче сыйныф укучылары йөриячәк. Яңа елга кадәр дәресләрдә 1нче гимназиядән 104 бала һәм 2нче мәктәп укучылары булачак. 2024 елда 3 нче һәм 4 нче мәктәпләр укучыларын көтәләр.
Йөзү серләренә балаларны тәҗрибәле инструктор Сергей Павлычев өйрәтәчәк.