Әгерҗедә «Защитники всех времен» бәйрәм концерты узды

Безнең шәһәрнең иң яхшы иҗат коллективлары кунаклар өчен концерт номерлары әзерләде

Бүген район Мәдәният йортында Ватанны саклаучылар көненә багышланган “Бөтен чорларны саклаучылар” дигән бәйрәм концерты узды. Безнең шәһәрнең иң яхшы иҗат коллективлары кунаклар өчен концерт номерлары әзерләде.

Сугыш һәм тыл ветераннарын, илебез иминлеген саклаучы солдатларны, Ватан сакчылары булырга әзерләнүче балаларны, шулай ук сугыш ветераннары гаиләләрен ТР Әгерҗе муниципаль районы башлыгы Ленар Нургаянов, Әгерҗе районы хәрби комиссары Илгиз Галиев һәм муниципаль хезмәт ветераны, иҗтимагый совет әгъзасы Равия Лутошкина җылы сәламләде.

Бүген СВО катнашучыларының гаиләләренә ярдәм бөтен ил өчен төп өстенлек булып тора. Бу көнне сәхнәдә Ватанны саклаучы якташларыбызның аналарына, хатыннарына һәм туганнарына рәхмәт белдерделәр. Аларга район башлыгы Ленар Нургаянов шәхсән үзе рәхмәт белдерде.

"Якташларыбызның батырлыгы мәңге истә калыр. Без Ватанны саклаучылар булган каһарманнарыбызны зур хөрмәт белән саклаячакбыз", - дип билгеләде җитәкче.

Хәрби комиссар Илгиз Галиев үзенең котлавында, хәзер 200 дән артык әгерҗелеләр Украинадагы хәрби хәрәкәтләр зонасында безнең ил мәнфәгатьләрен яклыйлар, 80 гә якын егет хәрби хезмәт үтә, дип ассызыклады. Алар барысы да Ватан алдындагы бурычларын лаеклы үтиләр.

Концерт программасында кадетлар хоры, “Кап-Эль”, “ВиДэнс”, “Хыял”, “Комеш телле гармун”, Надежда Камалетдинова, Павел Лукшин, Елена Скворцова, Ләйсәнә Нурмөхәммәтова, Анастасия Савинова һәм башка сәхнә осталары катнашты.