Район хакимияте халыкка мөрәҗәгать итә

Гражданнар янгын куркынычсызлыгы кагыйдәләрен үтәргә тиеш

Әгерҗе муниципаль районы буенча күзәтчелек эшчәнлеге һәм профилактика эшләре бүлеге җитәкчесе А.Р.Шәйдуллинга сылтама белән, Әгерҗедәге шәхси йорттагы янгынның төп сәбәбе исерек хәлдә тәмәке тарту вакытында ут белән саксыз эш итү, дип хәбәр итә. Искәртеп узабыз, бүген 02:30га якын Тукай урамында бер катлы агач йорт янган.

Нәтиҗәдә, йортта булган ир-ат һәм хатын-кыз һәлак булган. Торакның хуҗасы качып өлгерә, ул хастаханәгә озатыла. Үзәк район хастаханәсенең баш табибы Э.В.Овчинников сүзләренчә, зыян күрүченең хәле тотрыклы. Аңа бөтен кирәкле медицина ярдәме күрсәтелә. Һәлакәт урынына район прокуроры Александр Непомнящий чыкты. Тикшерү оештырылды. Булган хәлнең сәбәпләре һәм шартлары ачыклана.

Район җитәкчелеге һәлак булганнарның гаиләләренең кайгысын уртаклаша һәм гражданнарны янгын куркынычсызлыгы кагыйдәләрен үтәргә өнди:

- кабызылган электр приборларын, аеруча үтүкләрне, телевизорларны һәм мобиль телефоннардан зарядка җайланмаларын күзәтүсез калдырмагыз;

- торакыгызны җылытканда янгын куркынычсызлыгының элементар кагыйдәләрен үтәгез;

- ачык ут чыганакларын һәм сүнмәгән сигаретларны күзәтүсез калдырмагыз;

- кечкенә балаларны һәм өлкән яшьтәге туганнарын караучысыз калдырмагыз;

- үз өегездә автоном төтен сүндерү хәбәрчесе куегыз.

Янгын яки яну билгеләре табылганда, бу хакта кичекмәстән "112" телефоны буенча хәбәр итегез.