Сайлаулар көнендә район халкы авыл хуҗалыгы ярминкәсендә була алачак
Сәүдә, традиция буенча, район Мәдәният йорты каршында иртәнге сәгатьләрдә башлана
Әгерҗедә, Россия Президентын сайлауның соңгы көнендә, 17 мартта, беренче язгы авыл хуҗалыгы ярминкәсе узачак. Сатуга ит продуктлары, яшелчәләр, шулай ук авыл хуҗалыгы продукциясенең башка төрләре тәкъдим ителәчәк.
Сәүдә, традиция буенча, район Мәдәният йорты алдында иртәнге сәгатьләрдә башлана. Район авыл хуҗалыгы һәм азык-төлек идарәсендә ярминкәләр апрель азагына кадәр узачак, дип билгеләп үттеләр.
Элегрәк хәбәр ителгәнчә, Әгерҗедә сайлаулар көнендә Май чабу узачак.
Россия Федерациясе Президентын сайлаулар 15, 16 һәм 17 мартта узачак. ТР Үзәк сайлау комиссиясе рәисе Андрей Кондратьев мәгълүматы буенча, сайлау участоклары тавыш бирүне үткәрүгә тулысынча әзер. Участокларга 200 меңнән артык технологик җиһазлар - урналар һәм тавыш бирү өчен кабинкалар, флаглар, мәгълүмати матбугат продукциясе һәм сайлау участокларын бизәү элементлары кайтарылды.