Исәнбай авылы яшьләре беренче тапкыр сайлауларда катнаша
503 нче сайлау участогында Россия Президентын сайлауларда беренче тапкыр 24 егет һәм кыз тавыш бирә
Бүген, ил Президентын сайлауның икенче көнендә, Исәнбай мәдәният йортында урнашкан 503 нче сайлау участогында яшь гражданнар да тавыш бирде.
Алабугада программистка укыган студент Гадел Хәкимов беренчеләрдән булып участокка килде.
- Декабрьдә миңа 18 яшь тулды. Хәзер инде минем сайлауларда тавыш бирергә хакым бар, - диде Адель, үзенең гражданлык бурычын үтәп.
Ул якты планнар белән тулы.
Мин илебездә бары тик яхшы якка үзгәрешләр генә булуын телим. Иң мөһиме, яшьләр өчен мөмкинлекләр тагын да күбрәк булсын.
Чөнки киләчәк - яшьләр кулында, - дип билгеләде яшүсмер.
Гөлзия Мухъгалина 9 класстан соң Яр Чаллыда икътисадчы-бухгалтерда укый. Хәзер белгечлеге буенча эшли һәм югары уку йортында читтән торып укый. Кыз шулай ук сайлау участогына зур теләк белән килүен белдерде.
- Мин беренче тапкыр сайлауларда катнашам һәм һәр тавыш ил өчен мөһим дип саныйм. Мин бүген махсус Исәнбайга тавыш бирергә килдем, - диде ул.
Яшь сайлаучы тавыш биргәннән соң, комиссия әгъзалары, 18 яшьлек барлык сайлаучылар кебек үк, аны истәлекле бүләк белән сөендерделәр.
- Махсус брелок һәм блокнот минем беренче сайлауларым турында хәтер калыр, - диде Гөлзия.
**
Әгерҗе районында яшәүче 905 яшь егет беренче тапкыр Россия Президентын сайлауларда катнаша.