Әгерҗе районында язгы ярминкәләргә старт бирелде

Киләсе ярминкә 23 мартта шәһәрнең үзәк урамында узачак

Узган якшәмбедә район хакимияте һәм район Мәдәният йорты каршындагы мәйданчыкларда беренче язгы ярминкә оештырылды.

Ярминкә узган елдан бирле үткәрелмәгәнгә, әгерҗелеләр аны сагынып өлгергәннәр иде. Ит сатучылар янында халык аеруча күп иде. Өлкән яшьтәге Рәмзия апа да иртән иртүк ит алырга чыкты.
Ун килограмм чамасы алдым. Итне һәрвакыт бер сатучыдан гына сатып алам. Бик тәмле, - диде ул.

Сыер итенең бәясе 450 сумнан башлана. Свининаны 300 сум тәкъдим иттеләр.
Ярминкәдә кош итен дә зур сайлау мөмкинлеге бар иде. бройлер итенең килограммын 280-330 сум, бытбылдыкларны 650шәр сум, киптергеч тавыкларны - 200 сум тәкъдим иттеләр.

Копчык үрдәге, какланган каз, тавык рулетлары, каз мае, балык - барысы да ярминкәдә иде. Бер дистә йомырка 130-140 сумга сатылган. 

Район хакимияте каршындагы мәйданда ашлык сатып алучылар күп булды. Бодай килограммын 10 сумнан, арпа 9 сумнан тәкъдим итте.

- Без мөгезле эре терлек тә тотабыз, тавыклар да бар. Ашлыкның бәясе югары түгел. Өч мең сумлык арпа һәм бодай сатып алдык, - диде Әгерҗедә яшәүче Зөлфия ханым.

Район башлыгы Ленар Нургаянов шулай ук ярминкәдә булды, сәүдәгәрләр белән аралашты. Җитәкче беренче ярминкәнең яхшы оештырылуын билгеләп үтте.

**
Киләсе ярминкә 23 мартта шәһәрнең үзәк урамында да узачак. Гомумән алганда, Әгерҗе районында язгы ярминкәләр апрель азагына кадәр оештырылачак.