15 мартта Бөтендөнья кулланучылар хокуклары көне билгеләп үтелә
Ел саен 15 мартта Бөтендөнья кулланучылар хокуклары көне билгеләп үтелә. Бу дата беренче тапкыр 1983 елда билгеләп үтелде. Бу көнне 1961 елда, беренче тапкыр «кулланучы» төшенчәсе формалаштырыла һәм кулланучының дүрт төп хокукы атала, атап әйткәндә: мәгълүмат алу, иминлек хокукы, аңлы рәвештә сайлау хокукы һәм ишетү хокукы. Соңрак Бөтендөнья кулланучылар оешмасы аларны түбәндәге хокуклар белән тулыландырды: зыянны каплау хокукы, кулланучылар белеменә хокук, база ихтыяҗларын канәгатьләндерү һәм сәламәт әйләнә-тирә мохиткә хокук.
Бөтендөнья кулланучылар хокуклары көненең максаты - җәмәгатьчелекнең игътибарын әлеге өлкәдәге проблемаларга җәлеп итү, кулланучылар белемен күтәрү, гражданнарга кулланучылар хокукларын дәүләт һәм иҗтимагый яклауның мөһим механизмнары турында мәгълүмат бирү. Роспотребнадзорда кулланучылар хокукларын яклау буенча күп кенә чаралар эшли, продукциянең һәм хезмәтләрнең сыйфатын контрольдә тоту, шулай ук кулланучылар катнашында хокук мөнәсәбәтләре өлкәсендәге законнарның үтәлешен күзәтүне дә кертеп.
Әйтик, 2023 елда Роспотребнадзорның территориаль органнары тарафыннан кулланучылар хокукларын яклау буенча 10 496 дәгъвалар судка бирелгән. Суд яклавы кысаларында Роспотребнадзор катнашында кулланучылар файдасына 3,2 млрд. сум бирелде, бу 2022 елга караганда 40 процентка күбрәк. Бу суммадан 110 млн. сумнан артык акчаны кулланучылар файдасына мораль зыян компенсациясе тәшкил итә, бу шулай ук узган ел суммасыннан шактый күбрәк (72 млн. сум).
Быел Бөтендөнья кулланучылар хокукы көне девизы - "Кулланучылар өчен гадел һәм җаваплы ясалма интеллект". Әлеге дата кысаларында үткәрелә торган барлык чаралар Россия кулланучыларының хокукларын ясалма интеллект белән идарә ителә торган платформалардан файдалануга бәйле куркынычлардан нәтиҗәле яклауны тәэмин итүгә комплекслы якын килүне гамәлгә ашыруга юнәлдереләчәк.