Әгерҗе районында санитар икеайлык башланды
Үткән атнада Әгерҗедә беренче язгы шимбә өмәләре узды.
Бу көннәрдә урамнарда еш кына тәртип урнаштырырга тырышкан кешеләрне очратырга була. Чөнки 1 апрель көнне Әгерҗе районында санитар чистарту һәм төзекләндерү буенча икеайлык башланды. Бу чорда җәмәгать урыннары территорияләрен тәртипкә китерүгә аерым игътибар бирү планлаштырыла.
Үткән атнада Әгерҗедә беренче язгы шимбә өмәләре үтте. Күпфатирлы йортларның ишегалларында, шәһәр урамнарында һәм янәшәсендәге территорияләрдә кар утильләштерү, чүп-чар җыю эшләре башланган инде.
Шәһәрдә шимбә өмәләре атна саен чәршәмбе һәм җомга көннәрендә үткәреләчәк. Шәһәр башкарма комитеты тарафыннан оешмалар һәм аларга беркетелгән территорияләр исемлеге эшләнгән.
Район матбугат хезмәтендә ачыклауларынча, яфраклар, ботаклар, опилкалар, үлән һәм яшел утыртмалардан башка калдыклар коммуналь калдыкларны билгеләүгә туры килми, шуңа күрә алар регоператор тарафыннан чыгарылмаячак. Шәһәр халкына чүп-чар ташу өчен "Төзелеш идарәсе" МУП на түләүле нигездә заявка калдырырга яки чүпне мөстәкыйль рәвештә полигонга чыгарырга кирәк. Санитария икеайлыгы кысаларында полигон халыктан чүп-чарны бушлай кабул итәчәк. Бу очракта Энергетиклар 8 адресына пропуск алырга кирәк.