Өмәләрдән соң чүп-чар белән нишләргә?

Санитар икеайлык дәвамында (апрель-май) Әгерҗегә җыелган чүп-чарны үз транспортында каты көнкүреш калдыклары полигонына алып чыгу мөмкинлеге бирелә.

Яз көне күп чүп-чар җыела. Аны хәзер яндыру тыелган, мульдларга да ыргыту тыелган. Кая куйыйм соң аны?»
Н. ГРИГОРЬЕВА, Әгерҗе

Укучының соравына шәһәр башкарма комитеты җитәкчесе вазифаларын башкаручы Илнар ГЫЙЗЗАТУЛЛИН җавап бирә:

- Санитария икеайлыгында (апрель-май) Әгерҗегә җыелган чүп-чарны үз транспортында каты көнкүреш калдыклары полигонына алып чыгу мөмкинлеге бирелә. Моның өчен «Төзелеш идарәсе» МУПка рөхсәт алырга кирәк (Энергетиклар ур., 8).

Үз транспорты булмаган очракта, бу предприятие әлеге хезмәтне күрсәтү мөмкинлегенә ия. Башта гариза бирү һәм аның өчен түләү башкару мөһим.

Белешмәләр өчен телефон - 22931.

***
- Авыл халкы да чүп-чарны үз транспортында Әгерҗедәге полигонга чыгара ала. Янгынга каршы махсус режим игълан ителгәнчегә кадәр (22 апрельгә кадәр) Янгынга каршы режим кагыйдәләрен төгәл үтәгәндә (РФ Хөкүмәтенең 16.09.2020 № 1479 карары) әле чүп-чарны яндырырга була, - ди район башлыгы урынбасары Илфат Ямалиев.  - Аны сулыклар ярына, чокырларга һәм башка урыннарга чыгару катгый тыела. Табигый чүплекләрне күзәтүче ведомстволар күп. Шуңа күрә "Барыбер күрмәячәкләр" дип уйлау - зур хата. Санланмаган чүплекләр ясаучыларны җаваплылыкка җәлеп итәчәкләр.