Әлфия Когогина: Дәүләт Думасына кертелгән инициатива авыл хуҗалыгы җитештерүчеләренә дәүләт ярдәме мөмкинлекләрен киңәйтәчәк.
Дәүләт Думасына закон проекты кертелде, ул авыл хуҗалыгы товарларын җитештерүчеләргә оешманы теркәгәннән соң ук дәүләт ярдәмен алырга мөмкинлек бирәчәк.
РФ Дәүләт Думасы депутаты, Кече һәм урта эшмәкәрлек комитеты рәисе урынбасары Әлфия Когогина болай дип шәрехләде: «Минем округта авыл хуҗалыгының төрле юнәлешләре үсеш алган биш район. Кертелгән инициатива нигезендә авыл хуҗалыгы товар җитештерүчеләре әлеге статуста теркәлгәннән соң дәүләт ярдәменә дәгъва итә алачак. Бу авыл хуҗалыгы өлкәсендә бизнесны үстерүгә ярдәм итәчәк, үзебезнең ил продукциясен җитештерүне арттырачак».
Бүген авыл хуҗалыгы товар җитештерүчеләре статусын оешмалар һәм шәхси эшкуарлар алырга мөмкин, календарь ел өчен авыл хуҗалыгы продукциясен сатудан керем өлеше кимендә 70 процент тәшкил итә торган авыл хуҗалыгы продукциясе җитештерүчеләре, шулай ук шәхси ярдәмче хуҗалык алып баручы гражданнар, авыл хуҗалыгы кулланучылар кооперативлары һәм крестьян-фермер хуҗалыклары. Әмма тиешле механизм булмау сәбәпле, алар дәүләт ярдәменең тиешле чараларын тиз генә ала алмыйлар.