Әгерҗедә руль артына исерек хәлдә утыручы машина йөртүчегә карата суд булды

Хокук бозучыны административ җаваплылыкка тарттылар

Әгерҗе муниципаль районы башкарма комитетының юл хәрәкәте иминлеге комиссиясе хәбәр иткәнчә, Әгерҗедә Зигангәрәев Л.И. эше буенча суд утырышы узган, ул исерек хәлдә автомобиль руле артына утырган һәм ЮХИДИ хезмәткәрләре тарафыннан туктатылган.

Хокук бозучыны исерек хәлдә булган машина йөртүче транспорт чарасы белән идарә иткән өчен административ җаваплылыкка җәлеп иткәннәр. Ул 1 елга һәм 8 айга машина йөртү хокукыннан мәхрүм ителгән, шулай ук аңа 30 мең сум күләмендә административ штраф түләргә кирәк.