Әгерҗе районы прокуратурасы хезмәт законнарын бозуларны ачыклады
Әгерҗе районы прокуратурасы 52 яшьлек райондашыбыз мөрәҗәгате буенча җирле агрофирмада хезмәт законнарының үтәлешен тикшерде.
Ачыкланганча, 2023 елның сентябреннән мөрәҗәгать итүче Варклед-Бодья авылында дуңгызчылык комплексында ярдәмче эшче булып эшләгән. 2023 елның ноябрендә эш бирүче гаебе белән ир-ат җитештерүдә авыр җәрәхәтләр алган.
Тикшерү күрсәткәнчә, ир-ат белән хезмәт килешүе төзелмәгән, эшкә боерык бастырылмаган, бу закон таләпләренә туры килми.
Хезмәт хокукларын һәм социаль гарантияләрне торгызу максатларында район прокуратурасы мөрәҗәгать итүче белән күрсәтелгән оешма арасында мөнәсәбәтләрне тану турында, шулай ук мораль зыянны каплау турында дәгъва гаризасын судка юллады.
Суд күзәтчелек ведомствосы таләпләрен канәгатьләндерде һәм хезмәткәр файдасына 500 мең сум түләтте.
Суд карарын үтәү прокуратура контролендә.
Татарстан Республикасы Әгерҗе районы прокуратурасы.