Тонировка яратучыларга нинди җәза яный?

Хәтта 15 тәүлеккә кадәр кулга алыну яки 40 сәгатьтән 120 сәгатькә кадәр мәҗбүри эшләр мөмкин.

ЮХИДИ хезмәткәрләре катнашыннан башка юл-транспорт һәлакәтен ничек итеп формалаштырырга, Мәңгелек ут янындагы мәйданда машина кую мөмкин микән - район халкының бу һәм башка сорауларына ЮХИДИ бүлекчәсе начальнигы Юрий ГЛЕЗДЕНЕВ “Радио Агрыз” традицион туры эфирында җавап бирде.

Туры эфирда беренче тапкыр гына түгел, тонировка кагыйдәләренә туры килмәгән өчен нинди җәза көтәчәге турында сорау бирәләр. Күрәсең, ул машина йөртү мохитендә актуаль.

- Әлеге хокук бозу өчен җаваплылык 500 сум күләмендә штраф салуны күздә тота. Өстәвенә, йөртүчегә хокук бозуларны бетерү таләбе бирелә. Таләп алган һәм тонировка белән йөрүен дәвам итүчеләрне кабат штрафка тартырга һәм полиция хезмәткәренең законлы таләбенә буйсынмаган өчен җаваплылыкка - 2000 дән 4000 сумга кадәр штрафка, 15 тәүлеккә кадәр кулга алынырга яки 40 сәгатьтән 120 сәгатькә кадәр мәҗбүри эшләргә җәлеп итәргә мөмкиннәр. Көн саен без тонировка буенча бер генә протокол төземибез. Күпчелек машина йөртүчеләр (бигрәк тә яшьләр) моны кояштан яклау диләр. Ләкин яңгырда, томан, тәүлекнең караңгы вакытында, күз күреме чикләнгән вакытта, тонировка сезгә тормыш бәясенә төшә ала.