Әгерҗе районы хәрби диңгезчеләре үз бәйрәмнәрен билгеләп үттеләр
Безнең Ватаныбызның төрле флотларында районнан 300 дән артык кеше хезмәт итте
Бүген Әгерҗедәге Мәңгелек ут янында Хәрби-диңгез флоты көне уңаеннан бәйрәм чарасы узды.
Анда район башлыгы урынбасары Илфат Ямалеев, хәрби комиссар Илгиз Галиев, район диңгезчеләр оешмасы җитәкчесе Илнар Закиров һәм якташлар катнашты. Алар төрле елларда Балтыйк, Төньяк, Кара диңгез, Тын океан һәм башка флотларда хәрби бурычын үтәделәр. Бәйрәмгә үз гаиләләре белән бик күп кунаклар килгән иде. Бу көнне моряклар яңадан үзләренең хезмәт еллары янына кайттылар.
Бәйрәм флагын күтәрү хокукы ветеран-моряк, Хәрби-диңгез флоты ветераннары советының күпьеллык рәисе Раифа Гәрәевка бирелде.
- Хөрмәтле ветеран диңгезчеләр, сезне чын күңелдән уртак бәйрәм - Хәрби-диңгез флоты көне белән котлыйм. Ил алдындагы бурычыгызны сез диңгез киңлекләрендә үтәдегез. Хәзерге вакытта үсеп килүче буынны патриотик тәрбияләүгә үз өлешегезне кертегез. Моряклар һәрвакыт бердәм һәм дустанә булулары белән аерылып тордылар, - диде Илфат Ильясович үзенең котлавында.
Диңгез ветераннары һәлак булганнарны бер минутлык тынлык белән искә алдылар, Мәңгелек утка чәчәкләр салдылар.