Әгерҗе районында район башлыгы кубогына мини-футбол буенча турнир узачак
Ярышлар мини-футбол сөючеләрнең җыелма командалары арасында уздырыла
17 августтан 30 августка кадәр Әгерҗедә район башлыгы кубогына мини-футбол ярышлары узачак. Ярышларга старт 17 августта 9.00 сәгатьтә биреләчәк, финал уеннары 30 августта "Локомотив" стадионында һәм футбол манежында узачак.
Ярышлар мини-футбол сөючеләрнең җыелма командалары арасында уздырыла. Яшь категориясе: 16. Ярышларга команда составы - 8 кеше. Шунысын да билгеләп үтәргә кирәк, ярышларда Әгерҗе районы пропискасы белән генә уенчылар катнаша, вакытлыча теркәлү белән уйнаучылар катнаша алмый.
Ярышларның баш хөкемдары - Галиев Марат Мансурович.
Мини-футбол буенча ярышларда катнашуга алдан заявкалар 2024 елның 15 августына кадәр түбәндәге электрон почтага бирелә: Nataliya.Erohina@tatar.ru ирекле формада.