3нче мәктәптә Белем көненә багышланган тантаналы линейка узды

2024 елның 2 сентябре, дүшәмбе

Бүген Таҗи Гыйззәт исемендәге 3 нче мәктәптә укучылар, укытучылар, җитәкчеләр, ата-аналар катнашында белем бәйрәме узды. Шунысын да билгеләп үтәргә кирәк, бу мәктәп районда укучылар саны буенча иң зур мәктәп. Быел анда 802 бала укыячак.

Укучыларны "Әгерҗе шәһәре" муниципаль берәмлеге җитәкчесе Илнар Гыйззәтуллин, район мәгариф идарәсенең мәгълүмат-методика үзәге җитәкчесе Гүзәл Әхтәмова котлады. 

Быел 3 нче мәктәп бусагасын 83 беренче сыйныф укучысы атлап керде.