Әгерҗедә беренче көзге ярминкә узачак

2024 елның 4 сентябре, чәршәмбе

Бу якшәмбедә, 8 сентябрьдә, Әгерҗе районында көзге авыл хуҗалыгы ярминкәләренә старт биреләчәк. Традицион көзге ярминкә мәдәният сарае каршындагы мәйданда, шулай ук район хакимияте каршындагы мәйданда оештырылачак.

Сәүдә иртәнге сәгатьләрдә башлана. Ярминкәдә ит, бөртекле продукция, яшелчә, бал, сөт һәм сөт продуктлары, социаль юнәлешле башка төр авыл хуҗалыгы продукциясе сатып алырга мөмкин булачак.