Татарстанда туризмны үстерү өчен 19 участок ачыкланды

Ел саен, 27 сентябрьдә, Бөтендөнья туризм көне билгеләп үтелә.

Росреестр һәм Роскадастр Татарстан Республикасы буенча туризм буенча төбәк комитеты һәм башка ведомстволар белән берлектә туристлык потенциалы булган җир кишәрлекләрен ачыклау буенча эш алып бара.

Бүгенге көндә шундый 19 участок ачыкланган. Алар Арча, Мамадыш, Лаеш һәм Алабуга районнарында урнашкан.

Ирекле җир кишәрлекләрен әйләнешкә кертүгә юнәлдерелгән актив эш «Туризм өчен җир» дәүләт программасын гамәлгә ашыру кысаларында уздырыла һәм пространство мәгълүматларының милли системасының бер өлеше булып тора.