ТР яшьләр эшләре буенча министр урынбасары Денис Лулаков Әгерҗе районында булды
27 сентябрьдә Татарстан Республикасы яшьләр эшләре буенча министр урынбасары Денис Лулаков Әгерҗе шәһәрендә булды. Эш сәфәре вакытында Әгерҗе районы башлыгы урынбасары Илфат Ямалиев һәм социаль үсеш бүлеге башлыгы вазыйфаларын башкаручы Эльвира Закирова белән бергә ул яшьләр объектларында - «Ровесник, яшьләр үзәге һәм «Алмалы» балалар сәламәтләндерү лагеренда булды.
Шунысын да билгеләп үтәргә кирәк, нәкъ менә әлеге объектлар җирле яшьләр өчен тарту урыны булып тора, ә "Алмалы" инде күп еллар дәвамында барлык яшьтәге мәктәп укучылары өчен яраткан ял урыны булып кала бирә.
"Орешник" паркында Дмитрий Владиславович "Йөрәк уяну" республика грант проекты кысаларында оештырылган "Zaмир" хәрби-патриотик уены белән танышты.
- Бүген барыгызга да уңышлар һәм җиңүләр телим. Мин сезнең һәркайсыгыз белән горурланам, чөнки сез районның иң яхшы яшьләре! Татарстанны яратыгыз, кечкенә Ватаныгызны яратыгыз һәм һәрвакыт алга китегез! - диде хөрмәтле кунак, уеннарда катнашучыларны сәламләп.
Аннары очрашу «Талантлар шатлыгы» балалар иҗаты йортында дәвам итте. Биредә иҗтимагый мәктәп берләшмәләре активы җыелган. Укучылар белән әңгәмә җиңел һәм иркен шартларда сорау-җавап форматында узды.