Әлфия Когогина: Газ татарстанлыларның 27 902 участогы чикләренә җиткерелгән, бу планның 99,6%ын тәшкил итә.
РФ Дәүләт Думасы депутаты, “Эшмәкәрлек” федераль партпроектының координаторы Әлфия Когогина рәислегендә Татарстан Республикасында социаль газлаштыру программасын гамәлгә ашыру мәсьәләләре буенча эшлекле киңәшмә узды.
"Социаль газлаштыру - гражданнар тарафыннан иң социаль әһәмияткә ия һәм таләп ителгән программаларның берсе. Шул сәбәпле мәсьәләне даими контрольдә тотабыз. Бүгенгә газ татарстанлыларның 27 902 участогы чикләренә җиткерелгән, бу агымдагы елның план күрсәткечләренең 99,6 процентын тәшкил итә», - дип шәрехләде Когогина.
Татарстан Республикасы Сәнәгать һәм сәүдә министрлыгы, Татарстан Республикасы Хезмәт, халыкны эш белән тәэмин итү һәм социаль яклау министрлыгы, «Газпром трансгаз Казан» ҖЧҖ җитәкчелеге катнашында гражданнар йортларын газлаштыру нәтиҗәләре каралды, аерым алганда, муниципаль берәмлекләр буенча.
Участок чикләре эчендә газ үткәрүгә һәм йорт эчендәге җиһазларны сатып алуга субсидияләр түләүнең мөһим аспектлары турында аерым фикер алыштылар.