Әгерҗедән күпбалалы әни Анастасия Латкина бушлай догазификация программасында катнашты

2025 елның 6 феврале, пәнҗешәмбе

"Газ салынган йортта яшәү - ул җәннәттәге кебек.  Бездә әле мәшәкатьсез беренче кыш кына. Элек мичне ягып җибәрү өчен иртәнге сәгать өчтә торырга туры килә иде.  Хәзер бу хакта хәтта уйларга да теләмим ", - ди Анастасия ЛАТКИНА, быел ул бушлай догазификация хөкүмәт программасы ярдәмендә йортка газ керткән иде.

Пионер урамында ике гаиләгә исәпләнгән әлеге йорт Әгерҗе урманчылыгы тарафыннан узган гасырның 70нче елларында үз хезмәткәрләре өчен төзелгән булган.

 - Әле 18 ел элек, ире Антон белән гаилә тормышын башлаганда ук, баш өстендә үз түбәбез турында уйладык. Диана кызы, аннары Максим туган. Ана капиталына бу йортны сатып алганнар, - дип сөйли Настя. 

Инде үз йортларында яшәгәндә, аларның тагын ике улы - Дима һәм Алеша туган.