Әлфия Когогина: Һәлак булган геройларның туганнары өчен мирас тәртибен гадиләштерү турында гадел карар кабул ителде
Дәүләт Думасы беренче укылышта закон проектын кабул итте, ул махсус хәрби операциянең һәлак булган катнашучының туганнары яки чик буе районнарында безнең территориягә кораллы һөҗүм чагылышы катнашучысы туганнары, шулай ук хәрби хәрәкәтләр алып бару зонасында һәлак булган граждан затларының туганнары өчен мирасны кабул итүнең гадиләштерелгән тәртибен билгеләргә тәкъдим итә.
РФ Дәүләт Думасы депутаты, «Эшмәкәрлек» федераль проекты координаторы Әлфия Когогина болай дип шәрехләде: «Гамәлдәге законнар буенча мирас гражданинның үлеменнән соң алты ай эчендә кабул ителергә мөмкин. Махсус операция шартларында сугышчының үлеме турында хәбәрнамәләр озак вакыт узгач килә торган очраклар сирәк түгел, һәм ул вакытта варислар судка мөрәҗәгать итәргә мәҗбүр, ә бу аларның катлаулы, хәсрәтле ситуациясеннән башка да вакытлы һәм матди чыгымнарны китерә.