Татарстанда суд табигатьне саклау прокуратурасы таләпләрен хуплады һәм кадастр исәбеннән урман фонды җирләре кертелгән җир участокларын төшерергә карар чыгарды
Казан районара табигатьне саклау прокуратурасы тарафыннан урман законнарының үтәлеше тикшерелде.
Татарстан Республикасы Лаеш муниципаль районының җирле үзидарә органы карарлары нигезендә составына гомуми мәйданы 2,2 гектардан артык булган Матюшино участок урманчылыгы җирләре кертелгән биш җир кишәрлеге законсыз төзелгән.
Закон бозуларны бетерү һәм урман фонды җирләрен дәүләт милкенә кайтару максатларында табигатьне саклау прокуроры судка мөрәҗәгать итте.
Татарстан Республикасы Лаеш район суды тарафыннан прокурор таләпләре канәгатьләндерелде.
Суд карары җирле үзидарә органының әлеге җир кишәрлекләренә даими (вакыты чикләнмәгән) файдалану хокукын туктату һәм аларны кадастр исәбеннән төшерү өчен нигез булып тора.
Закон бозуларны бетерү прокуратура контролендә тора.