Әлфия Когогина: Студентларны педагогик эшчәнлеккә кертү инициативасы укытучыларга йөкләнешне киметергә мөмкинлек бирәчәк.
Дәүләт Думасы беренче укылышта студентларны мәктәпләрдә педагогик эшчәнлеккә кертү турында закон проектын кабул итте.
РФ Дәүләт Думасы депутаты, Кече һәм урта эшмәкәрлек комитеты рәисенең беренче урынбасары, «Эшмәкәрлек» федераль проекты координаторы Әлфия Когогина болай дип шәрехләде: «Педагогик кадрлар җитмәү проблемасы күп төбәкләрдә кискен тора, һәм без аны хәл итү буенча эзлекле эш алып барабыз. Инициатива кабул ителгәннән соң студентлар, яңадан әзерлек узып, эшкә керешә алачак, бу эшләүче укытучыларга йөкләнешне киметергә мөмкинлек бирәчәк".
Инициатива нигезендә, мәктәпләрдә эшләүгә тиешле юнәлешләр буенча укучы студентларны кертү тәкъдим ителә, алар өч ел эчендә арадаш аттестацияне уңышлы үткән һәм «Мәгариф һәм педагогик фәннәр» юнәлеше буенча һөнәри әзерлек программасын уңышлы үткән.