Әлфия Когогина: Ел башыннан Татарстан икътисадына сәнәгать үсешенә 60 млрд сумнан артык җәлеп ителгән
Дәүләт Думасының кече һәм урта эшмәкәрлек комитеты рәисенең беренче урынбасары, «Эшмәкәрлек» партпроектының федераль координаторы Әлфия Когогина рәислегендә сәнәгать өлкәсендә дәүләт программаларын гамәлгә ашыру һәм Татарстан Республикасы икътисадына федераль акчалар җәлеп итү буенча эш төркеме утырышы узды.
"Эш төркеменең чираттагы киңәшмәсен, традиция буенча, министрлык кабинетларында түгел, ә производствода уздырдылар. Бу юлы киңәшмә кысаларында «Турбина», «Зеленодольск» һәм «Промэнерго» сәнәгать парклары мәйданчыкларында берничә предприятиедә булдылар, алар арасында газ турбинасы җиһазлары заводы, лифт җиһазлары җитештерү заводы, электромобильләр һәм электротехник шкафлар өчен зарядка станцияләре, көч кабель арматурасы, төрле электротехник җиһазлар уйлап табучылар һәм җитештерүчеләр бар иде. Без хезмәттәшләребез белән гамәлгә ашырыла торган дәүләт ярдәме чараларының илебез предприятиеләрен үстерү өчен нәтиҗәле булуына инандык», – дип шәрехләде Әлфия Когогина.
Утырыш барышында Сәнәгатьне үстерү буенча дәүләт программалары буенча агымдагы эш нәтиҗәләре турында фикер алыштылар. Ел башыннан Татарстан предприятиеләре 59,2 млрд сумлык максатчан субсидияләр алды. Моннан тыш, 1,67 млрд сум Сәнәгатьне үстерү фонды линиясе буенча 3-5 процентлы ташламалы займнар тәшкил иткән.
Киңәшмә эшендә Татарстан Республикасы сәнәгать һәм сәүдә министрының беренче урынбасары Родион Карпов, Зеленодольск районы башлыгы Михаил Афанасьев, Татарстан Республикасы Инвестицион венчур фонды, республиканың сәнәгать предприятиеләре вәкилләре катнашты.