ТР Үзәк сайлау комиссиясе үз сайлау участогын ничек табарга икәнен аңлаттылар.
ТР Үзәк сайлау комиссиясендә үз сайлау участогыңны ничек табарга икәнен аңлаттылар
14 сентябрьдә Бердәм тавыш бирү көнендә Татарстанда 2752 сайлау участогы эшләячәк. Республика Үзәк сайлау комиссиясе заманча цифрлы сервислар ярдәмендә теркәлү адресы буенча үз участогыңны ничек тиз табып булуын җентекләп аңлатты.
Барлык кирәкле мәгълүматны ТР Үзәк сайлау комиссиясенең рәсми сайтында җиңел генә алырга мөмкин. Моның өчен кирәк:
«Актуаль мәгълүмат»бүлегенә күчәргә.
«Цифрлы сервислар»вкладкасын сайларга.
«Үз сайлау участогыңны табарга»опциясен активлаштырырга. Өй адресын керткәннән соң, система реаль вакыт режимында якындагы участок комиссиясенең урнашуын күрсәтәчәк.
Альтернатив ысул - «Госуслуги» федераль порталында «сайлаулар» баннерыннан файдалану, анда шулай ук үз участогыңның адресын һәм номерын белергә мөмкин.
14 сентябрьдә Татарстан халкына республика Рәисен, 7531 муниципаль депутатны сайларга, шулай ук 18 нче Мәләкәс бер мандатлы округы буенча ТР Дәүләт Советы депутатын өстәмә сайлауларда тавыш бирергә туры киләчәк.