Дәүләт автоинспекциясе хезмәткәрләре мәктәпләргә йөри
Укучылар белән юл куркынычсызлыгы кагыйдәләре буенча профилактик әңгәмәләр үткәрәләр
Гадәттәгечә, яңа уку елы башында Дәүләт автоинспекциясе хезмәткәрләре мәктәпләргә йөри, анда укучылар белән юл куркынычсызлыгы кагыйдәләре буенча профилактик әңгәмәләр уздыралар.
Инспекторлар балалар белән юл хәрәкәте кагыйдәләрен үтәүнең мөһимлеге турында әңгәмә үткәрделәр, укучыларның игътибарын юлны имин кичү кагыйдәләренә, төрле юл хәлләренә һәм юлда җәяүлеләр җибәргән хаталарга юнәлттеләр.
Балаларның игътибарын юл аша чыкканда һәм велосипедта, самокатларда йөргәндә телефоннар куллануга юнәлттеләр.
Шулай ук инспекторлар укучыларга көз җитү белән якты көннең сизелерлек кыскаруын искәрттеләр. Балалар еш кына өйләренә эңгер-меңгердә кайталар, һәм машина йөртүчеләргә начар күрү шартларында машина юлында яки ишегалдында җәяүлеләрне күрү шактый кыен. Шуңа күрә яктылыкны кире кайтара торган элементларның җәяүлеләрне пассив яклау ысулларының берсе булуы билгеләп үтелде. Ә юлда куркынычсызлыкның төп шарты булып юл хәрәкәте кагыйдәләрен төгәл үтәү тора.