Бүген Рөстәм Миңнеханов ТР Дәүләт Советына еллык юллама белән мөрәҗәгать итәчәк
Бүген Татарстан рәисе Рөстәм Миңнеханов еллык юллама белән чыгыш ясаячак, анда республика Дәүләт Советын ел йомгаклары һәм эчке һәм тышкы сәясәтнең актуаль мәсьәләләре белән таныштырачак. Мөрәҗәгать җиденче чакырылыш парламентының ундүртенче утырышы кысаларында яңгыраячак.
Утырыш Салих Сәйдәшев исемендәге Зур концерт залында планлаштырылган, 10:00 сәгатьтә башлана. Чыгышның туры эфирын телевидение һәм радио аша карарга мөмкин булачак.
Чарага Татарстан хакимиятенең барлык тармаклары җитәкчеләре, федераль структуралар вәкилләре, шулай ук сәнәгать компанияләре директорлары, мәгариф, фән, сәламәтлек саклау, мәдәният, кече һәм урта бизнес эшлеклеләре җыелачак. Чакырылучылар арасында шулай ук сәяси партияләр, иҗтимагый оешмалар, дини конфессияләр һәм республиканың барлык муниципаль берәмлекләре вәкилләре дә бар. Барлыгы 670 кунак көтелә.