Әлфия Когогина 55 тонна гуманитар йөк тапшырган.
Әлфия Когогина СВО сугышчыларына 55 тонна гуманитар йөк тапшырды
РФ Дәүләт Думасы депутаты, «Бердәм Россия» нең «эшмәкәрлек» проекты координаторы Әлфия Когогина шеф астындагы полклар сугышчыларына чираттагы гуманитар йөкне тапшырды.
"Бердәмлек-күп милләтле, күп динле халкыбызның безне көчле һәм җиңелмәс итә торган үзенчәлеге ул. Бигрәк тә хәзер без беркайчан да булмаганча бердәм. Без барыбыз да бер сафта, лидерыбыз, Россия Президенты Владимир Путин тирәсендә берләшкән», – дип билгеләде Когогина, сугышчыларга антка һәм хәрби бурычка тугрылыклы булулары, СВО барышында күрсәткән ныклыклары һәм батырлыклары өчен рәхмәт белдереп.
Гадәттәгечә, махсус хәрби операциянең беренче көннәреннән үк шефлыкка алынган 430, 1232, 1233 полклары, шулай ук 404 нче мотоукчылар полкының хәрби-кыр госпитале алучылар булды.
Чираттагы гуманитар йөк составына өч җиңел автомобиль, радиоэлектрон көрәш системалары, тепловизорлы квадрокоптерлар, мониторинг җайланмалары, автозапчастьлар һәм тәгәрмәчләр, төзелеш материаллары һәм инструментлар, су өчен савытлар, маскировка челтәрләре, шулай ук туганнарыннан һәм якыннарыннан посылкалар һәм хатлар кергән. Гомуми суммасы 31,5 млн сумнан артык, авырлыгы 55 тонна тирәсе.
Камазчылар җыйган һәр гуманитар йөк турыдан-туры полк командирлары, егетләрнең үзләре үтенече һәм хәрби частьларның ихтыяҗлары буенча әзерләнгән.
Махсус операция башланганнан бирле Әлфия Когогина «Бердәм Россия» партиясе, Халык фронты, Татарстан эшмәкәрләре белән берлектә СВО зонасына, Луганск һәм Донецк Халык Республикаларына, Херсон һәм Запорожье, Курск һәм Белгород өлкәләренә 27 гуманитар миссия оештырган, даими нигездә элемтә сызыгына шәхсән үзе гуманитар ярдәм тапшыра.