Әгерҗедә кар җыю һәм чыгару дәвам итә

2026 елның 16 феврале, дүшәмбе

Февральдә беренче ике атнада инде 147% айлык явым-төшем нормасы яуган. Коммуналь хезмәтләр көчәйтелгән режимда эшли: юлларны, тротуарларны һәм ишегалды территорияләрен чистарту эшләре алып барыла.

Без халыкның мөрәҗәгатьләренә игътибар итәбез һәм аларны вакытында эшләргә тырышабыз. Мәсәлән, Әгерҗедә яшәүче Рената Нестерова Гоголь урамы, 3 йорт адресы буенча ишегалды территориясен чистартуны сорап мөрәҗәгать иткәннән соң, “Хәлим” КФХ хезмәткәрләре кирәкле эшләрне тиз арада башкарып чыктылар.

Аңлавыгыз өчен рәхмәт, урамнарда игътибарлы булуыгызны сорыйбыз!