Гашыйклар көнендә Әгерҗе ЗАГСында тугыз пар язылышачак

Әгерҗе ЗАГСы мәгълүматларына караганда, яңа елның беренче аенда районда 49 сабый дөньяга килгән, шуның 26сы – малай, 23е – кыз. Әгерҗедә Кочаряннар гаиләсендә игезәк кызлар туган: Марианна һәм Адрианна.

Январьда 57 кеше вафат булган, шуның 35е – ирләр, 22се – хатын-кыз.

Быел 14 февраль – Гашыйклар көне җомгага туры килә. “Бу көнне никахларын рәсмиләштерүне сорап, 9 пар гариза бирде инде“, – диләр ЗАГС белгечләре. Ә гадәти җомга көннәрендә язылышучылар саны 3-4тән артмый.