Иң сәләтле балаларны Әгерҗе Мәдәният сараена җыйдылар

Бүген район Мәдәният сараенда беренче тапкыр сәләтле балалар фестивале узды.

Анда районның спортта һәм укуда уңышларга ирешкән малай-кызлары җыелган иде. Район, республика, төбәкара, Россия, халыкара олимпиадалар җиңүчеләрен, спортчыларны исемле медальләр белән бүләкләделәр, кубоклар тапшырдылар. Район мәгариф бүлеге начальнигы Вәсилә Сафиуллина мондый фестивальнең алдагы елларда да уздырылачагын ассызыклады.