Әгерҗе төзүчеләренең Кубогы Ижауга китте

Инде хәбәр итүебезчә, Әгерҗенең “СтройГрад“, “МирСтрой“, “СтройГигант“, “ИжСтройСеврис“ төзелеш оешмалары һәм “Водоканал“ ширкәте җитәкчелеге беренче тапкыр иң яшь хоккейчылар арасында турнир уздырганнар иде.

Аның нәтиҗәләре түбәндәгечә: Ижауның “Ижсталь“ һәм “Заря“ командалары – беренче-икенче урында.  Төзүчеләрнең Кубогын “Ижсталь“ командасы алып китте. Әгерҗенең “Спутник“ командасы  – өченчедә. Әгерҗенең яшь хоккейчылары Эльнар Корбанов – “Иң яхшы уенчы“, Егор Девятов “Иң файдалы уенчы“ номинацияләре җиңүчеләре булдылар.