Бюджетта эшләүчеләр күбрәк хезмәт хакы алачак

Татарстан бюджетында киләсе елда мәгариф өлкәсенә 50,1 миллиард, ә социаль өлкәгә 33,6 миллиард сум акча каралган. “Сәламәтлек саклау” графасына быелгыга караганда шактыйга ким – 17,4 миллиард сум гына биреләчәк (быел 27,5 миллиард сум иде). Республикада киләсе елда бюджетта эшләүчеләрнең һәм дәүләт хезмәткәрләренең акчаларын 4,9 процентка арттырырга исәплиләр.