“Әгерҗе хәбәрләре“ндә - яңа җитәкче

Абзалиева Дания Зәңгир кызы “Татмедиа“ җәмгыяте филиалы – “Әгерҗе хәбәрләре“ газетасы редакциясе баш мөхәррире итеп билгеләнде. 

Д. Абзалиева 1969 елда Биектауда туган. 1989 елда Арча педагогия көллиятен, 2006 елда Глазов педагогия институтын тәмамлаган.  

1989–99 елларда Ижау мәктәпләрендә укытучы булып эшләгән. 1999-2009 елларда – Удмуртиянең “Яңарыш“ газетасында – җаваплы сәркатип.

2009 елның августыннан “Әгерҗе хәбәрләре“ редакциясендә баш мөхәррир урынбасары булып эшләде.

“Әгерҗе хәбәрләре“н 13 ел җитәкләгән матбугат ветераны Рәмзия Сабир кызы Зарипова лаеклы ялга китте.