ӘГЕРҖЕ РАЙОНЫ ЕГЕТЕ ГОМРӘ ХАҖЫНА ЮЛЛАМА БЕЛӘН БҮЛӘКЛӘНДЕ

Азнакайда ир-атлар арасында Коръән укучылар конкурсы уздырылды.

Анда Татарстанның 19 мөхтәсибәтеннән – Азнакай, Әгерҗе, Баулы, Балтач, Буа, Бөгелмә, Биектау, Зәй, Казан, Кукмара, Лениногорск, Мамадыш, Мөслим, Түбән Кама, Яр Чаллы, Сарман, Чистай, Ютазы районнарыннан Изге Китапны укый белүчеләр җыелган иде.

Беренче урынга бүләк – олы хаҗга, икенче урынга – гомрә хаҗына юллама тәгаенләнгән иде. Өченче урынга чыккан шәкерт Азнакай районы башлыгы бүләгенә – ноутбукка лаек булды.

Җиңүчеләр:

Беренче урында – Әлмәттән Нияз Минсабиров, Түбән Камадан Эрнест Нәфыйков һәм Зәйдән Рамазан Идрисов. 

Икенче урында – Әгерҗедән  Мөхәммәтгали Корбанов.

Өченчедә – Казаннан Инсаф Вәлиев.