С А Б А Н Т У Й Б Е Л Ә Н !

2012 елның 10 июне, якшәмбе
С А Б А Н Т У Й
бәйрәме уңаеннан Әгерҗе муниципаль районы
Башлыгы Фәрит Гариф улы Габбасов котлавы 
Хөрмәтле милләттәшләр, кадерле кунаклар!
                                    
Үзенең кабатланмас бизәкләре белән еллардан-елларга, гасырлардан-гасырларга күчеп дәвам итүче иң зур бәйрәмебезне менә быел да шатланып көтеп алдык. Бәрәкәтле яңгырларын вакытында яудырган, назлы җылы җилләренең шифасын биргән газиз табигатебезгә рәхмәт йөзеннән басу-кырларыбызда яшел уҗымнар шытып чыккан бу мизгелләрнең кадерен белеп, сөенеп-шатланып бәйрәм итәбез без бүген. Көнне-төнгә ялгап хезмәт куйган, язгы кыр эшләрен уңышлы тәмамлаган кыр батырларына олы рәхмәтләремне юллыйм.
Быелгы Сабан туйлары икеләтә куанычлы, чөнки 2012 ел - Россия тарихы елы. Һәм безнең авыл Сабантуйларының Россия көне алдыннан,  ә район Сабантуе Россия көнендә узуы зур әһәмияткә ия. Милли бәйрәмебезне бар халыклар белән дуслыкта, бердәмлектә, татулыкта бөтенхалык бәйрәме итеп үткәрәбез. Һәммәгезне дә бәйрәм белән тәбрик итәм, исәнлек-саулык, гаиләләрегездә иминлек, байлык-муллык, күңел күтәренкелеге телим. Еллар тыныч, күкләребез аяз, килер көннәребез кояшлы булсын!
 
 
Ихтирам белән,
Татарстан Республикасы
Әгерҗе муниципаль районы Башлыгы                                        Ф.Г.Габбасов
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район һәм шәһәр турында
Документлар
Матбугат үзәге
Гражданнар мөрәҗәгатьләре
Телефон: (85551) 2-20-42
Факс: (85551) 2-27-05
E-Mail: Priemnaya.Agryz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International