Конференция кунаклары Иж-Бубыйда тарихи биналарны карадылар

2019 елның 7 октябре, дүшәмбе

Конференция башланганчы Иж-Бубыйга җыелган кунакларны әлеге авылдагы тарихи биналар белән таныштырдылар.

Алар Иж-Бубыйның данлыклы сәүдәгәре Мөхәммәтҗан Әхмәтҗанов 1895 елда салдырган мәчеттә, бертуган Бубилар яшәгән йортта, Иж-Бубый авыл тарихы музее урнашкан гамәлдәге мәчеттә булдылар. Элек анда Габдулла Гобәйдуллинның кунак йорты урнашкан булган. Габдулла Буби, аның әнисе Бадрелбәнат, әтисе Габделгалләм каберләрен зиярәт кылдылар. Мөхәммәтҗан Әхмәтҗанов истәлегенә торгызылучы бинада намаз укыдылар.