Инвалидлар ункөнлеге барышында Тәбәрледә бик матур кичә узды

2019 елның 6 декабре, җомга

Инвалидлар ункөнлеге Тәбәрле авылында яшәүче өлкән буын һәм физик мөмкинлекләре чикле кешеләр өчен матур бәйрәм белән истә калыр.

Мәдәният йорты хезмәткәрләре Фәнис–Финисә Шаһабиевлар декада кысаларында йөрәкләргә үтеп керердәй кичә уздырганнар.

Күңел кылларын тибрәтердәй җылы сүзләр, тирән эчтәлекле шигырьләр, моңлы җырлар яңгыратканнан соң, сүз бәйрәмгә җыелучыларга бирелгән.

Алар да үзләренең сәхнә осталыкларын күрсәткәннәр. Кемдер җырлаган, кемдер биегән, уеннарда катнашырга теләк белдерүчеләр дә күп булган.

Бәйрәм чәй табыны артында дәвам иткән.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International