Россиядә беренче бала туганда гаилә ана капиталына хокук алачак
Бу хакта Россия Президенты Владимир Путин РФ Федераль Җыелышына Еллык юлламасында хәбәр итте.
Владимир Путин Ана капиталы буенча яңа карарлар тәкъдим итте-беренче бала туганда гаилә ана капиталына аның бүгенге күләмендә хокук алачак. Бу карарлар 2020 елның 1 гыйнварыннан үз көченә керергә тиеш. Президент фикеренчә, мондый ярдәм икенче бала тууга әзерләнергә мөмкинлек бирәчәк.
- Шулай ук икенче бала тапкан гаиләләр ана капиталын 150 мең сумга арттыру хокукына ия булачак. Шулай итеп, ике балалы гаиләләр өчен ана капиталының гомуми күләме 616 мең сумга җитәчәк, - дип хәбәр итте Путин.
Ана капиталы программасы 2026 елга кадәр озайтылыр һәм ел саен сумма индексацияләнәчәк.
2017 елдан алып бүгенге көнгә кадәр Әгерҗе районында 2600 сертификат бирелгән, алар белән 62% гаилә файдаланган инде. Аларның күбесе торак сатып алу яки төзү өчен сертификат кулланалар.